Бейсенбі, 20 маусым, 20:18

  • Қаз
  • Qaz

Бізге жаңалық
жіберіңіз:

+7(702)932-52-25
Жаңа шығарылым
№48-2058
18.06.2024
PDF мұрағаты

Мәртебелі ұстаз – ұлт мерейі атты салтанатты жиын өтті

06.10.2023

728 0

Бүгін А.Тоқмағамбетов атындағы қалалық мәдениет үйінде Ұстаздар күніне орай «Мәртебелі ұстаз – ұлт мерейі» атты салтанатты жиын өтті.

Мерекелік шараға қатысқан қала әкімінің орынбасары Дархан Тұрсынбаев саналы ғұмырын ұрпақ тәрбиесіне арнаған сала ардагерлері мен барша ұстаздар қауымын құттықтады.

– Қазақтың аяулы ақыны Мағжан Жұмабаев «Алты Алаштың баласы бас қосқан жерде төрдегі орын ұстаздыкі» дейді. Бұл ретте, әлемдегі ең қастерлі мамандық иелерін тек мерейлі мерекелерінде ғана емес, күн сайын құрметтесе де жарасымды екенін айтқым келеді.Өйткені Ұстаз қашаннан – ілім мен ізгіліктің қайнар бастауы, биіктік пен тереңдіктің өлшемі, шәкірт санасына самала нұр төгетін шамшырақ іспетті ұлттың баға жетпес қазынасы»- деген шаһар басшысының орынбасары Дархан Тұрсынбаев мереке аясында мерейлі жасқа толған ұстаздарға арнайы сый-құрмет көрсетті.

Білімі терең, ойы озық ұрпақты биікке жетелейтін мұғалімдер қауымына қаншалықты жауапкершілік жүктелсе, соншалықты қолдау шаралары да жүргізілуде. Мәселен соңғы 4 жылда мұғалімдер жалақысы 100 пайызға артты. Сондай-ақ, оларды ынталандыру бағытында көптеген игі жұмыстар тұрақты жасалып келеді. Соның дәлелі жыл сайын «Үздік педагог» аталымы бойынша 150 мың теңге қаржылай сыйақы тағайындалады. Бүгін де бірқатар ұстаздар марапат төрінен көрініп, қомақты қаржыға ие болды.

Салтанатты жиын барша ұстаздар қауымына мерекелік көңіл күй сыйлаған қала өнерпаздарының концертіне ұласты.

«Білімдіден шыққан сөз талаптыға болсын кез» демекші, елімізде білім берудің жаңа инновациялық даму жүйесі қалыптасуда. Бұның барлығы ел ертеңі, ұлт болашағы — жастарға жасалған қамқорлық, содан соң, әрине, келешек ұрпаққа жол сілтейтін педагог еңбегін лайықты бағалау ісінен туындаса керек.

Қызылорда қаласының әкімдігі

 


 

Жылдам ақпарат алу үшін Facebook, Instagram желілері мен Telegram каналымызға жазылыңыз!

Тағы да оқыңыз: