Жұма, 28 қаңтар, 17:29

  • Қаз
  • Qaz

Бізге жаңалық
жіберіңіз:

+7(702)932-52-25
Жаңа шығарылым
№7 (1812)
25.01.2022
PDF мұрағаты

Абай өлеңдерін шырқаған үнді қыз

25.03.2021

911 0

Қызылорда қаласындағы Назарбаев Зияткерлік мектебінің оқушысы Айшани Даттатрея қазақ әндерін ерекше жақсы көреді. Қазақ жерінде туып өскен үнді қызы әсіресе ұлы Абайдың өлеңдеріне жазылған музыкалық әуендерді сүйсініп шырқайды.

– Менің музыка әлеміне деген қызығушылығым ерекше. Көп жағдайда орыс, украин, ағылшын, француз, хинди және қазақ тіліндегі әндерді орындаймын. Ең ұнайтыны – қазақ халқының композициялары. Олар өте әуенді және терең мағынасы бар. Жақсы істерге, өмірге қуануға және бір-бірімізді сыйлауға шақырады. Сырға толы бұл әуендер өте бай және әдемі. Сондықтан қазақ өнерін көпшілікке насихаттауға өз септігімді тигізгім келеді.

Айшани Даттатрея көп ұлтты отбасында дүниеге келген. Анасы – қазақ, ал әкесі үнді ұлтының өкілі. Алматыда бір-бірін кезектірген ата-аналары бүгінде бірлігі жарасқан елде 18 жылдан астам уақыт тату-тәтті өмір сүруде.

– Қазақтар өте кеңжүректі, бауырмал халық. Ынтымағы жарасқан елдің бір бөлігі болғаныма қуанамын, – деп бөлісті Айшанидың әкесі Халлимайсор Даттатрея.

Көп ұлтты жанұяның барлық мүшелері өнерге жақын. Үлкендері де вокалмен айналысса, балалары музыкалық аспаптың шебері. Дегенмен Даттарея отбасындағы басты қағида – білімге ерекше ден қою. Бүгінде Айшани мен ағасы Раджив өңірдегі Зияткерлік мектептің озат оқушылары. Келешекте Айшани ғылымның сырын ашып, атақты биолог ғалым болуды армандайды.

Пікірлер жоқ. Бірінші болыңыз!

Пікір жазыңыз

Тағы да оқыңыз: