Тәуелсіз Қазақстанның болашағы – қазіргі білім алушылардың сапалы білім алып, бәсекеге қабілетті маман атануы ел ертеңі үшін маңызды мәселе болмақ.
2019 жылы ҚР Тұңғыш Президенті – Елбасының белсенді және талантты жастарды қолдауға арналған «Ел үміті» жалпы ұлттық бастамасы қолға алынды. Қорқыт ата атындағы Қызылорда университетінің Гуманитарлық-педагогикалық институты, «Педагогика және психология» мамандығының 3 курс студенті Ақжайық Тәжі жоба қатысушысы ретінде алты ай бойы өзін жан-жақты таныта білді. Адам бейнесін қалам ұшымен суреттейтін талантымен көзге түсіп, еңбектері «Елбасы Академиясының» желілерінде жарыққа шыққан. «Біліммен қаруланған адам – жеңімпаз адам» демекші, аталған жоба аясында студентіміз Ақжайық Тәжі «Елбасы медалі» иегері атанды.
Ғылыми жетекшісі – а.ш.ғ.к., аға оқытушы Раушан Нұрымова. Ақжайық Баянқызының бүгінгі жеңісі оның жылдар бойғы еңбегінің нәтижесі. Елдің тұтқасы біліммен қаруланған ұрпақтың қолында болса, келешек кемел болары анық.
Жылдам ақпарат алу үшін Facebook, Instagram желілері мен Telegram каналымызға жазылыңыз!