Фото: reuters
Израиль әскері 27 қазанда Газа секторындағы жерүсті рейдтері кезінде ХАМАС қолбасшысының өлтірілгенін мәлімдеді. Бұл туралы Stan.kz ақпарат агенттігі хабарлайды.
Израиль әскерінің Telegram арнасында жарияланған хабарламада Израиль әскерилерінің соғыс ұшақтары мен ұшқышсыз ұшақтардың қатысуымен Газа секторының орталық бөлігінде бірнеше рейд жүргізгені айтылған.
Сондай-ақ, Израиль әскері ХАМАС-тың құрамындағы батальондардың бірін басқарған қолбасшысы Мадхат Мубашардың өлтірілгенін хабарлады. ХАМАС қолбасшысы 7 қазан күні Израильге жасалған шабуылдарға қатысқан.
Соңғы 24 сағаттың ішінде Израиль әскерилері Газа секторындағы 250-ге жуық нысанды жойып, ондаған ХАМАС өкілін өлтірген.
Еске салсақ, бұған дейін ХАМАС өкілінің Мәскеуге келгені, Израильдің бұл әрекетті “терроризмді қолдау” деп айыптағаны туралы жазған болатынбыз.
Жылдам ақпарат алу үшін Facebook, Instagram желілері мен Telegram каналымызға жазылыңыз!