2025 жылы бюджет тапшылығы 4,1 трлн теңгені құрады. Бұл туралы Парламент Мәжілісінде ҚР Үкіметінің 2025 жылғы республикалық бюджеттің атқарылуы туралы есебін таныстыру кезінде Қаржы вице-министрі Дәурен Темірбеков мәлім етті, – деп хабарлайды KAZINFORM
– Есепті жылы бюджет тапшылығы 4,1 трлн теңгені немесе жалпы ішкі өнімнің 2,5 %-ын құрады. Бюджет тапшылығы негізінен ішкі көздер есебінен қаржыландырылды, – деді Д. Темірбеков.
Оның айтуынша, 2026 жылғы 1 қаңтардағы жағдай бойынша мемлекеттік борыш 36,4 трлн теңгені немесе жалпы ішкі өнімнің 22,8%-ын құрады. Соның ішінде үкіметтік борыш – 34,8 трлн теңге.
– 2026 жылғы 1 қаңтардағы жағдай бойынша мемлекеттік борыш және квазимемлекеттік сектор борышы индикаторларының нақты деңгейі Мемлекеттік қаржыны басқару тұжырымдамасында белгіленген шектеулерден аспайды, – деді вице-министр.
Еске салсақ, былтыр күзде Қазақстанның сыртқы мемлекеттік борышы туралы мәлімет жарияланды.
Жылдам ақпарат алу үшін Facebook, Instagram желілері мен Telegram каналымызға жазылыңыз!