Белгілі қазақстандық актер және тележүргізуші Тәуекел Мүсілім алғаш рет әке атанды, деп хабарлайды Stan.kz ақпарат агенттігі.
32 жастағы актер мен оның әйелі Махаббат Түктібаева ұлды болды. Ата-ананың сәбиге қойған есімі әлі хабарланған жоқ. Ана мен баланың жағдайы жақсы.
Актердің таңдауы өткен жылы 25 жастағы Махаббат Түктібаеваға түскен еді. Ол Қарағанды медициналық университетінің түлегі. 2017 жылы қыз сұлулық байқауына қатысып, «Қарағанды вице-аруы» атағына ие болған. Ерлі-зайыптылар бір жыл бұрын үйленді.
Жас жұбайлар үлкен тойдан бас тартып, қуанышын өздерінің туыстары мен достарының ортасында қарапайым түрде атап өтті.
Тәуекел мен Махаббат жарнамалық түсірілім алаңында танысқан. Актер Махаббатты өзі ұнатып, оған назар аудара бастағанын бірнеше рет айтқан еді.
Жылдам ақпарат алу үшін Facebook, Instagram желілері мен Telegram каналымызға жазылыңыз!