Жақында Жамбыл облысында Қазақстанның Еңбек Ері Асанәлі Әшімовтің 85 жылдығына орай «Алашқа абыз, өнерде аңыз» атты республикалық ақындар айтысы өткен болатын.
Сөз додасына Бекарыс Шойбеков, Нұрмат Мансұров, Біржан Байтуов секілді жыр жүйріктері қатысып, өнер саңлағының бүтін болмысын өлеңмен өрнектеп, өнерге қосқан түпсіз еңбегін сүбелі сөзбен айшықтады.
Осы айтулы өнер бәйгесінде Сыр елінің қос жүйрігі додалы дудың алдынан көрініп, ел мерейін үстем етті.
Атап айтар болсақ, Қазалы ауданының тумасы Нұрзат Қару бас жүлдені жеңіп алса, М.Ералиева атындағы мәдениет үйінің директоры Нұрмат Мансұр І орынмен марапатталды.
Жылдам ақпарат алу үшін Facebook, Instagram желілері мен Telegram каналымызға жазылыңыз!