Орал-Атырау тасжолында болған апаттан үш адам – Өзбекстаннан келген отбасы қаза тапты. Тағы бір бала ауруханаға жатқызылды, деп хабарлайды БҚО полиция департаментіне сілтеме жасаған KAZ.NUR.KZ.
Облыстық полиция департаментінің баспасөз қызметі Instagram-да хабарлағандай, жол-көлік оқиғасы 20 қаңтарда сағат 17:00-де Ақжайық ауданы Самал ауылының маңындағы Орал-Атырау тасжолында болған. «Mazda көлігінің жүргізушісі, Өзбекстан азаматы, 1983 жылы туған азамат алдын ала мәліметтер бойынша, тізгінде ұйықтап кетіп, келе жатқан жолаққа қарсы шығып, DAF жүк көлігімен соқтығысқан. Жарақат алған жүргізуші мен екі жолаушы – 1984 жылы туған әйел және 2012 жылы туған кәмелетке толмаған бала қаза болды. 2009 жылы туған тағы бір бала ауруханаға жеткізілді», – деді БҚО ПД бастығының бірінші орынбасары Жанболат Жаншин. Қаза тапқандар – бір отбасының мүшелері, Өзбекстан азаматтары. Осы факт бойынша тергеу басталды. Тағы да оқыңыздар: https://kaz.nur.kz/accidents/2056588-oral-atyrau-taszolyndagy-apattan-ozbekstandyq-otbasy-qaza-tapty-video/
Жылдам ақпарат алу үшін Facebook, Instagram желілері мен Telegram каналымызға жазылыңыз!