1 маусым – Халықаралық балаларды қорғау күніне орай Қызылорда қаласы Төтенше жағдайлар басқармасымен бірлесе ұйымдастырылған «Балғын шақтың балдәурені» атты шығармашылық шара ерекше әсерге толы өтті. Аталмыш шараға арнаулы әлеуметтік қызметтер көрсету балалар орталығының бүлдіршіндері қатысып, балалық қиялдарын сурет арқылы бейнеледі.
Шара барысында балалар түрлі-түсті бояулармен өз армандары мен көңіл-күйлерін қағаз бетіне түсіріп, көтеріңкі көңіл-күй сыйлады. Сонымен қатар, ұйымдастырушылар тарапынан қатысушыларға арнайы жұмсақ ойыншықтар, сыйлықтар және жүрекжарды тілек парақшалары табысталды.
Жылдам ақпарат алу үшін Facebook, Instagram желілері мен Telegram каналымызға жазылыңыз!