Бүгін Халықаралық балаларды қорғау күнінде облыстық ішкі саясат басқармасының «Қоғамдық келісім» КММ директорының орынбасары Фархат Әбдібағдатұлы, облыстық Қазақстан халқы Ассамблеясы жанындағы Волонтерлар орталығы және «Жаңғыру жолы» жастар қозғалысының белсенділері кәмелетке толмағандарды бейімдеу орталығына барып, балаларды мерекемен құттықтады.
Мерекелік көңіл-күй сыйлап, бар жақсылықты балаларға арнады.
Қайырымдылық акция аясында Волонтерлар және «Жаңғыру жолы» жастар қозғалысының белсенділері тарапынан тәтті балмұздақ пен шарлар сыйға тартылды. Сондай-ақ, орталық балаларының көңілдерін сергітіп, қызықты ойындар ойнатты. Шын жүректен балаларға жарқын болашақ тілеп, ақ тілектерін жаудырды.
Жылдам ақпарат алу үшін Facebook, Instagram желілері мен Telegram каналымызға жазылыңыз!