Қазақстанда 2025-2026 жылдардағы жылыту маусымы ірі кемшіліксіз өтті, деп хабарлады Үкімет. Бұл туралы Үкімет отырысында премьер-министрдің бірінші орынбасары Роман Склярдың төрағалығымен өткен кеңесте белгілі болды, – деп хабарлайды kursiv.media
Отырыс барысында күзгі-қысқы кезеңнің қорытындысы, жөндеу науқанының барысы және проблемалық мәселелерді жою шаралары қаралды. Жүйелі жұмыстың арқасында жылыту маусымы тұрақты режимде өткені, ал тұтынушылар электр және жылу энергиясымен толық көлемде қамтамасыз етілгені атап өтілді.
2025 жылы электр станцияларында 10 энергия блогы, 63 қазандық және 39 турбина жөнделді. Электр желілері кешенінде 17 мың шақырым электр беру желілері мен 420 қосалқы станция жөндеуден өтті, сондай-ақ, 323 шақырым жылу желілері реконструкцияланып, ауыстырылды.
Келесі жылыту маусымына дайындық аясында 9 энергия блогын, 55 қазандықты және 51 турбинаны жөндеу жоспарланған. Қазіргі уақытта бір қазандық пен бір турбинада жұмыстар аяқталды.
Кеңес қорытындысы бойынша Скляр Энергетика министрлігі мен өңірлік билік органдарына нысандардың қысқа дайындығын тұрақты бақылауда ұстауды және туындаған мәселелерді уақтылы шешуді тапсырды.
Жылдам ақпарат алу үшін Facebook, Instagram желілері мен Telegram каналымызға жазылыңыз!