Жұма, 19 сәуiр, 01:51

  • Қаз
  • Qaz

Бізге жаңалық
жіберіңіз:

+7(702)932-52-25
Жаңа шығарылым
№30 (2040)
16.04.2024
PDF мұрағаты

Адамзаттың ғарышқа ұшуының 60 жылдығына арналды

13.04.2021

1758 0

Қызылорда облыстық «Славяне» қоғамдық-мәдени орталығы» қоғамдық бірлестігінің ұйымдастыруымен И.В. Панфилов атындағы №5 мектеп-лицейінде Ресей мектебінің оқушыларымен Ғарышкерлер күніне және адамның ғарышқа ұшуының 60 жылдығына арналған телекөпір өтті.

Іс-шараның мақсаты-балалардың танымал ғарышкерлер және ғарышты алғаш ашушылар туралы білімдерін дамыту, халықтар арасындағы достықты нығайту.

Санитарлық талаптарды сақтай отырып өткен мерекелік іс-шараға Zoom қосымшасы арқылы Қызылорда қаласының №5 мектебі мен Мәскеу қаласының №854 мектебінің төртінші сынып мұғалімдері мен оқушылары белсене қатысты.

«Славяне» қоғамдық бірлестігінің төрайымы Галина Щербакова телекөпірдің барлық қатысушыларын құттықтап, қазақстандық ғарышты игерушілердің қатысуымен өткен кездесулердің тарихи фотосуреттерін көрсетті.

Сыныпта оқушылардың «Ғарышкерлер күні» тақырыбындағы суреттері, А.С. Пушкин атындағы қалалық кітапхананың қолдауымен ұйымдастырылған ғарышкерлер туралы кітаптар көрмесі ұсынылды.

Танымдық шара барысында тұңғыш ғарышкер Юрий Гагарин, Қазақстанның ғарышкерлері, Қызылорда жерінде орналасқан «Байқоңыр» ғарыш айлағы, ғарышқа жол ашқан Тоқтар Әубәкіров, Талғат Мұсабаев, Айдын Айымбетов және т. б. ғарышты игеру тарихы туралы слайдтар мен бейнероликтер көрсетілді.

Қазақстан және Ресей мектептерінің оқушылары ғарыш тақырыбындағы викторина мен сөзжұмбақ сұрақтарын қызығушылықпен шешіп, ғарышкерлер туралы өлеңдер оқып, әндер шырқады.

Телекөпір өзара бейнеқұттықтаулармен аяқталды.

 


 

Жылдам ақпарат алу үшін Facebook, Instagram желілері мен Telegram каналымызға жазылыңыз!

Тағы да оқыңыз: