Сенбі, 20 тамыз, 01:52

  • Қаз
  • Qaz

Бізге жаңалық
жіберіңіз:

+7(702)932-52-25
Жаңа шығарылым
№65 (1869)
16.08.2022
PDF мұрағаты

Egov.kz-те әлеуметтік төлемдер мен жәрдемақылар рәсімдеу жеңілдей түсті

01.05.2022

479 0

Egov.kz порталында әлеуметтік төлемдер мен жәрдемақылар рәсімдеу үшін арнайы шот автоматты түрде қолжетімді болды, деп хабарлайды ҚазАқпарат.

«Ұлттық ақпараттық технологиялар» АҚ қоғаммен байланыс басқармасының мәліметінше, процесті қайта қараудың арқасында жеті әлеуметтік төлем алу ыңғайлы әрі жеңілдей түсті. Электрондық үкімет порталында үш банктің арнайы шоттары автоматты түрде ашылады.

«Енді eGov.kz порталында әлеуметтік төлемдерді, жәрдемақыларды және зейнетақыларды рәсімдеу үшін өтініш берген кезде 20 таңбалы шот нөмірін (IBAN) қолмен енгізудің қажеті жоқ. Жүйе қолжетімді шоттарды өтініш берушінің ЖСН-і бойынша алады, бұл өз кезегінде шот нөмірін қате енгізуге жол бермейді. Жәрдемақы алу үшін арнайы шотты еліміздің үш банкінде ашуға болады: Halyk Bank, Kaspi.kz және «Банк ЦентрКредит» АҚ», – делінген хабарламада.

Бұл функция Еңбек және халықты әлеуметтік қорғау министрлігінің келесі әлеуметтік мемлекеттік қызметтерінде қолжетімді: бала тууға және бала күтіміне байланысты жәрдемақы тағайындау; мүгедек баланы тәрбиелеп отырған анасына немесе әкесіне, асырап алушыға жәрдемақы тағайындау; мүгедектік бойынша мемлекеттік әлеуметтік жәрдемақыларды тағайындау; асыраушысынан айырылу жағдайы бойынша мемлекеттік әлеуметтік жәрдемақылар тағайындау; жерлеуге арналған біржолғы төлемді тағайындау; көп балалы отбасыға мемлекеттік жәрдемақы тағайындау; мемлекеттік базалық зейнетақы төлемін тағайындау.

«Бұрын жеңілдіктер мен төлемдерге өтініш бергенде шот нөмірін қолмен енгізу қажет болатын, пайдаланушылар шот нөмірін енгізу кезінде жиі қателесетін. Енді қажетті банкті дұрыс таңдаған жағдайда, шот автоматты түрде пайда болады. Егер шотыңыз жоқ болса, онда қызметті алу кезінде ашуға болады. Жаңа функция уақытты үнемдейді және әлеуметтік төлемдер мен жәрдемақыларды өңдеу процесін айтарлықтай жеңілдетеді», – деп түсіндірді ведомстводан.

Тағы да оқыңыз: