“Қазгидромет” мамандары алдағы күндерге арналған ауа райы болжамын жариялады. Синоптиктер ел аумағында тұрақсыз ауа райы орнайтынын мәлімдеді.
Алдағы күндері Қазақстанда аз жылжымалы солтүстік-батыс циклоны әсерінен тұрақсыз ауа райы орнайды деп күтіледі. Салдарынан жаңбыр мен қар түрінде жауын-шашын жауады. 4 қарашада түнде және 5 қарашада солтүстік-батыста, 4 қарашада күндізгі уақытта солтүстікте, оңтүстік және оңтүстік-батыс аймақтың таулы және тау бөктерлі аудандарында 5 қарашада тәулік бойы қатты жауын-шашын болады деп болжанды.
Республика бойынша тұман, көктайғақ, солтүстік-батыс, солтүстік өңірлерде желдің күшеюімен бірге жаяу бұрқасын болжанады. Қазақстан бойынша температуралық фонда күрт өзгерістер күтілмейді.
Жылдам ақпарат алу үшін Facebook, Instagram желілері мен Telegram каналымызға жазылыңыз!