Бейсенбі, 28 наурыз, 23:34

  • Қаз
  • Qaz

Бізге жаңалық
жіберіңіз:

+7(702)932-52-25
Жаңа шығарылым
№24(2034)
23.03.2024
PDF мұрағаты

Еліміздегі кедейлік деңгейі жоғары өңірлер анықталды

17.02.2023

667 0

Қазақстанда азаматтардың шамамен 5% – ы күнкөріс деңгейінен төмен табысқа ие. Бұл туралы Сенат төрағасы Мәулен Әшімбаев мәлімдеді, деп хабарлайды Azattyq Ryhy.

 
Оның айтуынша, қазіргі уақытта ел халқының жартысы барлық табыстың үштен бір бөлігінен аз ақша табады.

«Қазақстандықтардың шамамен 5%-ның табысы ең төменгі күнкөріс деңгейінен (40,5 мың теңге) аспайды. Елімізде азаматтардың осы санатының ұлғаюы 12 өңірде байқалады. Бұл жерде біз Батыс Қазақстан, Жамбыл, Қарағанды, Қостанай, Қызылорда, Маңғыстау, Түркістан және басқа да облыстар туралы айтып отырмыз», – дейді ол.


Сонымен қатар, Әшімбаев республикада 5 миллионға жуық адам өнімділігі төмен жұмыспен қамтылғанына алаңдаушылық білдірді.

«Халықтың әл – ауқатын арттыруға мүмкіндік беретін шешімдердің бірі-шағын және орта кәсіпкерлікті дамыту. Алайда, ауылдық жерлерде тұрғындар кәсіпкерлікті дамыту үшін шектеулі мүмкіндіктерге тап болады. Сондықтан, жағдайды өзгертудің тиімді құралдары мен әдістері қажет», – деді ол.


Осыдан кейін Сенат спикері Жамбыл облысында 2019 жылдан бері іске асырылып келе жатқан ауыл тұрғындарының табысын арттыру жөніндегі пилоттық жоба туралы айтып берді. Бұл фермерлерді тұқым, тыңайтқыш, мал сатып алуға және техниканы жаңартуға тікелей жеңілдікпен қаржыландыру туралы.

«Алғашқы нәтижелер жігерлендіреді. Бүгінгі таңда бұл тәсілді республикалық деңгейде масштабтау мәселесі қарастырылуда. Бұл мақсатты жүзеге асыруға 2023 жылы еліміздің барлық өңірлері үшін 52 млрд теңгеден астам қаржы қарастырылған. Бұл 11 мың шағын несие беруге мүмкіндік береді», – деп түйіндеді ол.


Бұған дейін Қазақстанда жалақы өсіп жатқанымен нақты кірістер төмен екені хабарланған болатын. Сондай-ақ, 2022 жылы қазақстандықтардың едәуір үлесі 70 мың теңгеден аз табыс табатыны белгілі болды. Бүгінде Қазақстанның 11 өңірінде халықтың нақты табысы төмен.

 


 

Жылдам ақпарат алу үшін Facebook, Instagram желілері мен Telegram каналымызға жазылыңыз!

Тағы да оқыңыз: