Қаржы вице-министрі Ержан Біржанов Ұлттық қордан бала шотына аударылатын ақшаның сомасы әлі есептеліп бітпегенін айтты, деп хабарлайды Kazinform.
«Қазіргі таңда есеп жүргізіліп жатыр. Жалпы Қазақстандағы 18-ге толмаған балалардың саны 7 млн 200 мың болып отыр. Ал 18-ге толған, бірінші этапта төлем алатын азаматтардың саны қазіргі таңда 300 мыңға жуық. Олар бойынша қазір соңғы есептер жүргізіліп жатыр. Осы айдың аяғына дейін қорытындысы болу керек деп ойлаймын. 18-ге толған 300 мың адам бойынша қаражат аударылады. Сомасы санаулы. Жобалық сома бар. Бірақ қателеспеу үшін оны әзірге айта алмаймын», – деді Ержан Біржанов.
2024 жылдың 1 қаңтарынан бастап «Ұлттық қор – балаларға» жобасы ресми қолданысқа енді. Алдын ала мәлімет бойынша, жоба алғашқы жылдың өзінде 7 миллионнан астам баланы қамтиды.
Жылдам ақпарат алу үшін Facebook, Instagram желілері мен Telegram каналымызға жазылыңыз!