3 желтоқсан күні облыс орталығында мұнай саласында жұмыс істейтін мекеме директорынан ұрлық жөнінде арыз түсті. Арызда көрсетілгендей белгісіз тұлғалар серіктестіктің ғимаратынан темір торды бұзып, қызметтік көліктердің 7 аккумуляторын және кілттер жинағын ұрлап кеткен. Келтірілген шығын көлемі 400 мың теңгені құраған.
Полиция қызметкерлері жүргізілген жедел іздестіру шараларының нәтижесінде 3 қала тұрғынын «ізін суытпай» қолға түсірді.
Қазір күдіктілердің басқа да қылмыстарға қатыстылығы тексерілуде. Бұл дерек бойынша Қазақстан Республикасы Қылмыстық кодексінің 188 – бабының 3 – бөлігімен (ұрлық) сотқа дейінгі тергеп – тексеру амалдары жүргізілуде.
Қызылорда облысы Полиция департаментінің баспасөз қызметі