Ұлттық тестілеу орталығы 2026–2027 оқу жылына арналған талапкерлер күнтізбесін жариялады. Осылайша, жоғары оқу орындарына түсуге арналған қабылдау науқанының нақты мерзімдері мен кезеңдері айқындалды, деп хабарлайды Zakon.kz.
Қазіргі уақытта елімізде негізгі Ұлттық бірыңғай тестілеу (ҰБТ) өтіп жатыр. Ол 10 мамырда басталып, 10 шілдеге дейін жалғасады.
Жоғары оқу орындарына оқуға түсу үшін құжат қабылдау 20 маусымда басталып, 25 тамызда аяқталады.
«Денсаулық сақтау» және «Педагогикалық ғылымдар» бағыттарын таңдаған талапкерлер үшін арнайы емтихандар қарастырылған. Бұл емтихандарға өтініштер 20 маусымнан бастап қабылданады, ал сынақтар 20 тамызға дейін жалғасады.
Білім гранты конкурсына қатысуды жоспарлаған талапкерлер арнайы емтихандарды 20 шілдеге дейін тапсыруы қажет.
Жылдам ақпарат алу үшін Facebook, Instagram желілері мен Telegram каналымызға жазылыңыз!