Бүгін Ж. Нұрманов атындағы № 198 орта мектепте сөз өнерін қастерлейтін көптеген ұрпақтың көкейіндегі ойды жеткізген ақын Мұқағали Мақатаевтың туған күніне орай ұйымдастырылған апталық аясында 9-сынып оқушылары ақын өмірі жайлы түсірілген «Мұқағали. Бұл ғасырдан емеспін…» атты телехикаясын тамашалады.
Шара мақсаты – ақиық ақынның бүгінге дейін жұмбақ болып келген құпияларына үңілу арқылы Мұқағали феноменінің өзгеше тұстарын ашу.Төрт бөлімді телехикаяның әр бөлімінде ақынның жан-дүниесіне төңкеріс әкелген негізгі тылсым оқиғаларды өткен ғасырдың жетпісінші жылдарының келбетімен көрсетілген.
Телехикаяны көре отырып, оқушылар «қазақ поэзиясының мұзбалағы» атанған ақынның қай ғасырда болсын ізі өшпейтіні, оны уақыт өткен сайын өзгеше зерттей беретінімізді түсінді.
Жылдам ақпарат алу үшін Facebook, Instagram желілері мен Telegram каналымызға жазылыңыз!