Сейсенбі, 16 сәуiр, 11:09

  • Қаз
  • Qaz

Бізге жаңалық
жіберіңіз:

+7(702)932-52-25
Жаңа шығарылым
№30 (2040)
16.04.2024
PDF мұрағаты

Вакцина алғандар өлімге алып келетін ауруға шалдығатыны рас па?

26.08.2021

1261 0

Әлеуметтік желіде неміс ғалымдары вакцинацияланған адамдардың қанында «руло эффектісі» болатынын анықтағаны туралы хабарлама тарады, бұл адамның ауру екендігін көрсетеді, деп хабарлайды Stopfake.kz.

«Руло эффектісі» деген ұғым жоқ. Руло – бұл эритроциттердің агрегациясы деп аталатын процесте пайда болатын эритроциттер жиынтығы. Бұл эритроциттерді ірі ақуыздар немесе плазма полимерлері бар су ерітінділерінде суспендирлеу кезінде болады. Эритроциттер агрегациясы адамда аурудың барын көрсете алса да, қайтымды процесс болып табылады. Яғни, егер бұл құбылыс адамның қанынан табылса, бұл оның өлім аузында болуының белгісі емес.

Эритроциттер топтарының ағзада пайда болуының нақты себептері әлі белгісіз. Сондай-ақ ғалымдар рулоның тромбтардың қалыптасуында қандай рөл атқаратыны туралы ортақ пікірге келген жоқ. 

Эритроциттер агрегациясы COVID-19 қарсы вакцинациямен байланысты емес және бұл аурудан иммундауға арналған препараттарды ойлап тапқанға дейін белгілі болған.

КВИ-ге қарсы егілген барлық адамдарда эритроциттер агрегациясы тіркелетіні туралы сенімді ақпарат жоқ.

Демек, вакцинацияланған адамдар өлімге әкелетін аурулардан зардап шегеді деген пікірлер фейк болып табылады. Біріншіден, эритроциттер агрегациясы қайтымды процесс, екіншіден, рулоның неге пайда болатындығы туралы ортақ пікір жоқ, үшіншіден, олардың вакцинацияланған адамдардың қанында болатыны дәлелденбеген және вакциналардан туындаған емделмейтін аурулардың дәлелі бола алмайды.

 


 

Жылдам ақпарат алу үшін Facebook, Instagram желілері мен Telegram каналымызға жазылыңыз!

Тағы да оқыңыз: