Жұма, 29 наурыз, 05:27

  • Қаз
  • Qaz

Бізге жаңалық
жіберіңіз:

+7(702)932-52-25
Жаңа шығарылым
№24(2034)
23.03.2024
PDF мұрағаты

«Ата-анасы мұғалім болған»: Аяжан Еділованы аяусыз өлтірді деген күдіктіге қатысты тың деректер пайда болды

31.03.2021

1684 0

Алматыда жантүршігерлік жағдайда табылған 19 жастағы Аяжан Еділованы өлтірді деген күдіктінің жеке басына қатысты бірқатар тың деректер анықталды, «Астана» арнасы.

Белгілі болғандай, сезікті қазіргі Оңтүстік Қазақстан Медицина академиясында небәрі екі жыл ғана оқыпты. Бұрынғы студенттерінің аты бұлайша шығуы қырық жылдық тарихы бар оқу орнының ұжымына да оңай соқпаған. Факультет деканы Қанат Дәуренбековтің айтуынша, Р. Т. аталған оқу орнына 2012 жылы грантқа оқуға түскен. Фармацевтика мамандығы бойынша оқып жүрген студент, тек екінші курстан соң академиялық қарыздарына байланысты оқудан шығарылған болып шықты.

«Оқудан шығарылған себебі – сабақтарға дұрыс қатыспаған. Нәтижесінде емтихандық сессияға  жіберілмеген. Ол сабаққа жауапкершілікпен қарамаған. Ал енді -мінезіне келетін болсақ, біздің әріптестерге айтуына қарағанда өте салмақты жігіт. Өзінің әріптестерімен, құрбы-құрдастарымен жанжалдасып немесе оқытушылармен сөзге келіп көрмеген», – дейді Оңтүстік Қазақстан медицина академиясы фамация факультетінің деканы Қанат Дәуренбеков. 

Айта кетейік, 28 жастағы күдікті Түркістан облысының тумасы. Ол сондағы жалпы орта мектепті 2010 жылы «Алтын белгімен» бітерген. Күдікті Р. Т. ата-анасы мұғалім болған. Сүйенсек ерлі-зайыптылар қазір зейнетте. Олардың ортақ үш перзент бар деді. 

Еске салсақ, осыған дейін 19 наурызда Алматыда 19 жастағы қыз түнде жұмыстан шығып үйіне оралмағаны туралы жазған болатынбыз. 

Кейін жоғалып кеткен Алматы тұрғыны Аяжан Еділова өлі күйінде табылды.  Алматы полициясы күдіктіні – Түркістан облысының тұрғыны, 1993 жылы туған азаматты ұстады. 

Полиция пәтерге шабуыл жасаған кезде ол өзін өлтіруге тырысты.

Сосын Алматыда өлтірілген Аяжанның туыстары сұхбат берді. Сұхбат кезінде қыздың туыс ағасы оның басын қайнатып, тісін, тырнағын бөлек жұлып алғанын айтты. 

 

 


 

Жылдам ақпарат алу үшін Facebook, Instagram желілері мен Telegram каналымызға жазылыңыз!

Тағы да оқыңыз: