Жұма, 30 шiлде, 02:54

  • Қаз
  • Qaz

Бізге жаңалық
жіберіңіз:

+7(702)932-52-25
Жаңа шығарылым
№59 (1761)
26.07.2021
PDF мұрағаты

«Қызылорда–Жезқазған» тас жолында 12 тонналық газ цистернасы жарылуға шақ қалды

13.12.2020

257 0

Қызылорда облысының құтқарушылары ірі газ жарылысының алдын алды.

Төтенше жағдайлар жөніндегі ведомство өкілдерінің хабарлауынша, құтқарушыларға 13 желтоқсан күні таңғы сағат 6:27-де «Қызылорда–Жезқазған» тас жолының бойында жүк көлігінің жанып жатқаны туралы қоңырау түскен.

«Өрт сөндіру қызметінің жеке құрамы оқиға орнына дереу жетті. Ол жерде «Азимут» ЖШС-не тиесілі пропан тиелген 12 тонналық MAN көлігінің алдыңғы бөлігі өртеніп жатқаны анықталды», – делінген хабарламада.

Өрт сөндірушілер оқиға орнында жедел әрі үйлесімді әрекет етіп, таңғы сағат 7-де тілсіз жау толық сөндірілді.

Осылайша, өрт сөндірушілер Шымкенттен Ақшабұлақ кен орнына бара жатқан жүк көлігіне тіркелген 12 тонналық цистерна жарылысының алдын алды.

Апат салдарынан ешкім зардап шегіп, жарақат алған жоқ. Тиісті сала мамандары өрттің шығу себебі мен шығын көлемін анықтап жатыр.

Пікірлер жоқ. Бірінші болыңыз!

Пікір жазыңыз

Тағы да оқыңыз: