Сенбі, 18 мамыр, 06:26

  • Қаз
  • Qaz

Бізге жаңалық
жіберіңіз:

+7(702)932-52-25
Жаңа шығарылым
№38-2048
14.05.2024
PDF мұрағаты

Н.Нәлібаев қала тазалықшыларымен кездесті

04.04.2021

3186 0

Бүгін Нұрлыбек Нәлібаев «Қызылорда тазалығы» серіктестік қызметкерлерімен арнайы кездесіп, жылдар бойы тазалықты сақтауға ерекше күш салып, Сырдың бас шаһары Қызылорданың абыройын асыруда еселі еңбек еткен мекеме жұмысшыларына алғаусыз алғысын айтып, шексіз ризашылығын жеткізді.

Бұған дейін қала әкімі қызметін атқарып келген Нұрлыбек Машбекұлы «Ортақ үйіміз, сүйікті қаламыз Қызылорданың еліміздегі ең таза шаһардың біріне айналуы жолында сіздердің еңбектеріңіз ерекше, үлестеріңіз зор» – деп, күн-түн демей тыным таппай, уақытпен санаспай, еңбекақысын адалынан алған тазалықшылардың жұмысы көпке үлгі болу керектігін атап өтті. Сонымен қатар сырттан келген қонақтар алдымен қаланың тазалығын айтуы ол сіздердің еңбектеріңізге берілген үлкен баға деген Нұрлыбек Машбекұлы  «Бүгінгідей беделді белесті бағындырып, абырой биігінен көрінуіме де сіздер үлес қостыңыздар. Барлығы үшін алғыс айту мақсатында арнайы ат басын бұрып, алдарыңызға келдім» – деді.

Өз кезегінде тазалықшылар Нұрлыбек Машбекұлының алғаш қала билігіне келген сәтінде мекеменің жұмысын ширатып, тірлігін түлетуге, қордаланған мәселелерін шешуге көп күш салғандығын, қызметкерлердің әлеуметтік жағдайын реттеуде ауқымды жұмыстар атқарғандығын атап өтіп, жаңа қызметіне табыс тіледі.

Кездесу соңында Нұрлыбек Машбекұлы тазалықшылардың алдағы уақытта да сапалы жұмыс істейтіндіктеріне сенім артатындығын жетікізіп, мекеме қызметкерлеріне сый-құрмет көрсетті.  

 


 

Жылдам ақпарат алу үшін Facebook, Instagram желілері мен Telegram каналымызға жазылыңыз!

Тағы да оқыңыз: