Қызылорда қаласында Нартай Бекежанов атындағы драма театрында JCI – Jaidarman Creative Industry орталығы республикалық жайдарман фестивалін ұйымдастырды. Бұл әзіл кешінің бір ерекшелігі республикалық «Жоғары лига» ойындарының құрамаларымен жайдарман ойындарының бұрыңғы әзілшектері өнер көрсетті.
Әдеттегідей, кешті Есен Елеукен жүргізді. Ал әділ-қазылар құрамында «Қайсар» Қызылорда облыстық футбол клубы» ЖШС директоры Садық Мұстафаев, Нартай Бекежанов атындағы облыстық қазақ академиялық музыкалық драма театрының басшысы Мұхтар Ниязов, Жайдарман ойындарының бұрыңғы әзілшектері Марат Достаев (Шымкент), Жанболат Досболов (Түркістан) және «Өнер қырандары» театрының авторы Абдусайд Тулегенов болды.
Әзіл кеші жекпе-жек форматында өткізілді. Бұл фестивальде «Медиум» командасы, Тараз қаласы, «Эверест» құрамасытАлматы қаласы, «Абырой» командасы Шымкент қаласы, «Ақпен бірге» командасы, Алматы қаласы, «Қазалы құрамасы», Қазалы ауданы, «Рудный құрамасы», Қостанай облысы, «Барыстар командасы»Ақтау қаласы, «Арал АС» командасы, облыс командалар өнер көрсетіп, көрермен көзайымы атанды.
Нәтижесінде жекпе-жек форматында өткізілген жайдарман фестивалінің алғашқы жұптары Тараз қаласынан келген «Медиум» командасы мен Шыменттік «Абырой» командасы. Бұл жұпта 3-2 есебімен Медиум командасының әзілдері салмақты болды. Екінші жұп Алматылық қыздардан құралған «Ақпен бірге» командасы мен Алматылық жігіттерден құралған «Эверест» командасы. Бұл жұпта да 3-2 есебімен қыздар жеңіске жетті.
Сондай-ақ, келесі жұп, ойындары триологиға ұласқан «Қазалы құрамасы» мен Қостанайлық «Рудный құрамасы» Бұл жұпта Қызылордалықтар қонақжайлық танытып, Рудныйлық жігіттер жеңіске жетсе, соңғы жұп, Жайдарман ойындарының бұрыңғы әзілшектерінен құралған Ақтаудың намысын қорғап келген «Барыстар командасы» мен чемпиондар, Қызылорданың мақтаныштары «Арал АС» командасы. Бұл жекпе жекте астарлы әзілдерімен Аралдан келген жайдарманшылар жеңіске жетті.
– Телевизиялық жайдарман ойындарын Сыр елінде өткізсек деген ұсынысымызды қабыл алып, барлық жағынан қолдау жасаған Есен Елеукен ағама алғысым шексіз. Шараның жоғары деңгейде өткізілуіне қолдау білдіргені үшін Қызылорда Қаласының Әкімдігіне, Қоғамдық Даму Басқармасына және Нартай Бекежанов атындағы облыстық қазақ академиялық музыкалық драма театрының ұжымына алғысымызды білдіреміз!, – «Қазақстан КВН Одағы» РЖҚБ «Қызылорда КВН» филиалының директоры Әліби Басаров.
Сонымен қатар, Әліби Басаров кеш барысында телевизиялық жайдарман ойындарын Сыр елінде өткізсек деген ұсынысысын қабыл алып, барлық жағынан қолдау көрсеткен Есен Елеукенге алғысын жеткізді. Аталған шара жоғары деңгейде өтті. Мұны залға толған көрермендердің көптігінен аңғаруға болады.
Жылдам ақпарат алу үшін Facebook, Instagram желілері мен Telegram каналымызға жазылыңыз!