Жексенбі, 25 ақпан, 10:32

  • Қаз
  • Qaz

Бізге жаңалық
жіберіңіз:

+7(702)932-52-25
Жаңа шығарылым
№16 (2026)
24.02.2024
PDF мұрағаты

Көлік саласында халықаралық маршруттар дамиды

12.12.2022

502 0

2025 жылға дейін республикалық жолдар 100 пайыз нормативтік қалыпқа келтіріледі. Бұл туралы ҚР Үкіметінің кеңейтілген отырысында Премьер-Министр Әлихан Смайылов айтты.

«Автожол саласында барлық халықаралық транзиттік дәліздерді толық жаңғырту жоспарлануда. 2025 жылға дейін республикалық жолдардың – 100, ал жергілікті жолдардың 95 пайызын нормативті қалыпқа келтіру жоспарланған. Сонымен бірге, 52 автокөлік өткізу пунктін модернизациялау жүргізілуде», – деді Әлихан Смайылов.

Үкімет басшысының айтуынша,, «Достық-Мойынты» теміржол учаскесінің 2-ші жолдарының құрылысы басталды. «Дарбаза-Мақтаарал», «Бақты-Аягөз» және «Алматы станциясы айналма теміржол желісі» жобалары бойынша тиісті құжаттамалары дайындалуда.

«Қазақстан темір жолын көлік-логистикалық компанияға айналдыру басталды. Керекті Құзыреттілік орталығы құрылды. Оның негізгі міндеті – жаңа логистикалық өнімдерді ұйымдастыру және транзиттік жүк ағындарын Трансқазақстандық маршруттарға бағдарлау болып табылады», – деді Премьер-Министр.

Сондай-ақ, транскаспий халықаралық маршруттарды дамыту мақсатында Қазақстан, Әзербайжан, Грузия және Түркияның көлік және инфрақұрылым министрліктерінің арасында тиісті Жол карталары қабылданған.

«Қазақстан тарапынан «контейнерлік хаб» салуды, сауда флотын 10 пароммен толықтыруды және порттық станцияларды кеңейтуді қоса алғанда, Ақтау және Құрық порттарының қуаттарын көтеру жоспарлануда. Сингапурлық PSA компаниясымен бірлесіп Цифрлық көлік дәлізін құру жөніндегі жоба іске асырылуда», – деді Үкімет басшысы.

 


 

Жылдам ақпарат алу үшін Facebook, Instagram желілері мен Telegram каналымызға жазылыңыз!

Тағы да оқыңыз: