Жұма, 19 сәуiр, 01:08

  • Қаз
  • Qaz

Бізге жаңалық
жіберіңіз:

+7(702)932-52-25
Жаңа шығарылым
№30 (2040)
16.04.2024
PDF мұрағаты

Қызылорда облысындағы 2 ауылдық округте әкім сайлауы өтіп жатыр

17.04.2023

507 0

 Қызылорда облысында бүгін 2 ауылдық округте әкім сайлауы өтіп жатыр, деп хабарлайды ҚазАқпарат тілшісі.

ҚР «Сайлау туралы» Конституциялық Заңға сәйкес бүгін Қазалы ауданы Арықбалық және Қармақшы ауданының Ақтөбе ауылдық округі әкімдерінің өкілеттілік мерзімінің аяқталуына байланысты сайлау өткізіліп жатыр.

Жергілікті уақытпен сағат 7.00-де Арықбалық ауылдық округіндегі №70 сайлау учаскесіндегі 973 сайлаушы дауыс беруге кірісті. Онда әкім лауазымына 3 азамат үміткер. Оның 2-еуі өзін-өзі ұсынса, 1-еуі «Amanat» партиясынан қатысып жатыр. Сондай-ақ, 1 азамат декларациядағы мәліметі сәйкес келмеуіне байланысты үміткер ретінде тіркеле алмады.

Ал, Қармақшы ауданындағы Ақтөбе ауылдық округінің әкіміне 3 кандидат үміткер атанды. Олардың 3-еуі де өзін-өзі ұсыну жолымен кандидат ретінде тіркелген. Барлығы да – мемлекеттік қызметшілер.

Ақтөбе ауылдық округіндегі 880 сайлаушы №107 сайлау учаскесінде таңдау жасай алады.

Облыстық сайлау комиссиясының хабаралуынша, сәуір айында Қызылорда өңірінің 3 ауданында 4 ауылдық округ әкімі сайланады.

 


 

Жылдам ақпарат алу үшін Facebook, Instagram желілері мен Telegram каналымызға жазылыңыз!

Тағы да оқыңыз: