Астанадағы мейрамханалардың бірінде адам қолынан қаза болған Салтанат Нүкенованың ағасы Қайрат Нүкенов Динара Сатжанның Youtube-арнасына берген сұхбатында қарындасының ата-енесімен қарым-қатынасы қандай болғанын айтып берді, – деп хабарлайды Massaget.kz.
Оның сөзінше, Салтанат алғашында енесімен өте жақсы қарым-қатынаста болған.
Салтанаттың енесімен қарым-қатынасы басында өте керемет болды. Ол тіпті қарындасыма «Салта, үй тазалап, тамақ пісірудің қажеті жоқ, сенің басты міндетің жай ғана әдемі болып, дүкен аралау» дейтін. Яғни, бастапқы уақытта ешқандай мәселе болмады. Оған қоса Салтанат пен оның ата-енесінің пәтерлері бір тұрғын үйдің екі қабатында орналасқан еді, сондықтан Салтанат енесін қонаққа жиі шақыратын. Ал Бишімбаевқа анасының үйіне көп келетіні ұнамай, алғашқы жанжалдың бірі болды.
Бірақ бұл ол кезде жай кішкентай ғана жанжал болған еді, яғни ешқандай үлкен мәселенің бастауы болмады», – дейді Салтанат Нүкенованың ағасы.
Жылдам ақпарат алу үшін Facebook, Instagram желілері мен Telegram каналымызға жазылыңыз!