Сенбі, 23 қазан, 10:36

  • Қаз
  • Qaz

Бізге жаңалық
жіберіңіз:

+7(702)932-52-25
Жаңа шығарылым
№83 (1785)
19.10.2021
PDF мұрағаты

Қандай автокөліктер 30 қыркүйекке дейін Қазақстан аумағынан шығарылуы керек

20.09.2021

2454 0

Қаржы министрлігі мемлекеттік кірістер комитеті 30 қыркүйекке дейін Қазақстан аумағынан қандай көліктердің шығарылуы керектігін мәлімдеді, деп хабарлайды Stan.kz ақпарат агенттігі. 

Комитеттің ресми мәліметі бойынша, бұл талаптың Еуразиялық экономикалық одаққа мүше елдердің мемлекеттік нөмірі бар көліктерге қатысы жоқ. 

«Қазақстан азаматтарына Еуразиялық экономикалық одақ аумағында Беларусь Республикасы мен Ресей Федерациясының көлік құралдарымен уақытша әкелу мерзімдерін есепке алмастан жүруге болады. Ал Армения Республикасы мен Қырғыз Республикасының көлік құралдарымен сенімхат бойынша басқару құқығынсыз жүре алады», – деп жазылған комитеттің түсіндірмесінде.

Шетелдіктер аталған мерзімде шекарадан көліктерін шығармаса, көлікті шығару тек тасымалдаушылар арқылы ғана жүзеге асырылады. 

«Шетел азаматтары өзінің тұрғылықты еліне және көлікті әкететін елге қайтару үшін мемлекеттік шекарадан аталмыш көлікті мініп өте алады. Егер ол мүмкін болмаса, тасымалдаушылардың қызметін пайдалана алады», – деп жазады комитет мамандары.

Шетелдік көлік құралдары Еуразиялық экономикалық одақ аумағынан тыс аумаққа шығарылуы керек. Одақ аумағына үшінші елдерден әкелінген көлікті тиісті кедендік рәсімдеусіз бір жыл ғана тебуға рұқсат беру туралы шешімді Еуразиялық экономикалық кеңес 2020 жылғы 29 сәуірде шығарған болатын. Бұл кезде пандемия өршіп, шекаралардың бәрі жабық тұрғандықтан, мерзім 2021 жылдың 30 қыркүйегіне дейін ұзартылған еді. Бұл мерзім біткеннен кейін Әкімшілік полиция комитеті мен Мемлекеттік кірістер комитетінің қызметкерлері бірлесіп уақытша жүру мерзімі аяқталған көліктерді іздейді. Ондай көліктер табылған жағдайда айып тұрағына қамалады.

«Еуразиялық экономикалық одақтың қолданыстағы заңнамасы бойынша уақытша әкелу мерзімдері өткеннен кейін жеке тұлғада кедендік төлемдерді төлеу міндеттері туындайды. Төлемнің мөлшерін аумақтық мемлекеттік кірістер органдарының қызметкерлері есептейді», – деп жазылған комитеттің мәліметінде.

Пікірлер жоқ. Бірінші болыңыз!

Пікір жазыңыз

Тағы да оқыңыз: