Жексенбі, 14 сәуiр, 03:44

  • Қаз
  • Qaz

Бізге жаңалық
жіберіңіз:

+7(702)932-52-25
Жаңа шығарылым
№29 (2039)
13.04.2024
PDF мұрағаты

Қаламызда нашақорлыққа және есірткі бизнесіне қарсы бағытталған штаб отырысы өтті

21.06.2023

364 0

Бүгін қала әкімінің орынбасары Жанмұрат Сейіловтың төрағалығымен нашақорлыққа және есірткі бизнесіне қарсы іс-қимылға бағытталған қызметті үйлестіру жөніндегі қалалық ведомоствоаралық штаб отырысы өтті.

Жиында күн тәртібіндегі негізгі мәселелер бойынша жауаптылардың баяндамасы тыңдалды. Нақтырақ айтсақ, қалалық полиция басқармасының «Есірткі қылмысына қарсы іс-қимыл» бөлімінің басшысы Айбек Қалыбеков қала аумағында есірткі құралдарын тарату деректерін анықтау мен жолын кесу бағытында атқарылған жұмыстар және алға қойылған міндеттер туралы тоқталып өтсе, Қызылжарма ауылдық округінің әкімі Медет Сейілов ауылдық округтегі жастардың бос уақытын тиімді ұйымдастыру және жастар арасында нашақорлықтың алдын алу, салауатты өмір салтын қалыптастыру бағытында атқарылған шараларды баяндады.

– Талдауға сәйкес есірткіні тұтынушылардың басым бөлігі жастар контингенті. Есірткісіз қоғам құру – Қазақстанның әрбір азаматының алдындағы міндет болып табылады. Сондықтан тиімді күресті жалғастыру үшін барлық құзырлы органдармен бірлескен жұмыстар атқарылып, профилактикалық бағыттағы іс-шараларды күшейтуіміз қажет, – деді Жанмұрат Жақсымұратұлы.

Отырыстың соңында штаб төрағасымен қаралып отырған мәселердің өзектілігіне байланысты нақты тапсырмалар кешені берілді.

 


 

Жылдам ақпарат алу үшін Facebook, Instagram желілері мен Telegram каналымызға жазылыңыз!

Тағы да оқыңыз: