Президент Қасым-Жомарт Тоқаев спортшы Әсем Орынбайды Алматыда өтіп жатқан стенд атудан Әлем кубогы кезеңіндегі жеңісімен құттықтады, деп хабарлады Мемлекет басшысының кеңесшісі-баспасөз хатшысы Айбек Смадияров, – деп хабарлайды kursiv.media
Оның айтуынша, Қасым-Жомарт Тоқаев спортшының әлемдік рекордпен жеңіске жеткенін және ерекше шеберлік көрсеткенін атап өткен.
Президент сондай-ақ Әсем Орынбайдың Әлем кубогы кезеңдеріндегі, Азия чемпионаттары мен Азия ойындарындағы сәтті өнері Қазақстанда стенд ату спорты дамуының жоғары деңгейін көрсететінін қадап айтты.
Естеріңізге сала кетейік, қазақстандық Әсем Орынбай Алматыда өтіп жатқан стенд атудан Әлем кубогының екінші кезеңінде алтын медаль иеленді. Спортшы әйелдер арасындағы «скит» бағдарламасында үздік атанды
Жылдам ақпарат алу үшін Facebook, Instagram желілері мен Telegram каналымызға жазылыңыз!