Жексенбі, 25 ақпан, 10:00

  • Қаз
  • Qaz

Бізге жаңалық
жіберіңіз:

+7(702)932-52-25
Жаңа шығарылым
№16 (2026)
24.02.2024
PDF мұрағаты

Шахматтан әлем чемпионатына хиджабсыз қатысқан Иран қызын қандай жаза күтуде?

30.12.2022

1444 0

Сурет ашық дереккөзден

2012 жылдан бері әлемдегі мықты шахматшылардың бірі – 25 жастағы Сарасадат Хадемалшарие Қазақстандағы жылдам шахмат және блиц бойынша әлем чемпионатына қатысқаннан кейін тұрғылықты жерін Испанияға ауыстыруға мәжбүр. Оның себебі – ойынға хиджабсыз шығуы. Ол ирандық режим тарапынан қауіпті жазалауға ұшырауы мүмкін, – деп хабарлайды Massaget.kz.

Бірнеше дерек көздерінде ирандық шахматшы мен оның отбасында Испанияда үйі бары айтылады, бірақ спортшының Испанияда тұруына ықтияр хаттың бар-жоғы белгісіз.

Иран шахмат федерациясының басшысы Хасан Тамини Алматыдағы шахмат бойынша әлем чемпионатында орамалсыз ойнаған Сарасадат Хадемалшарие республиканы таныстырмайтынын айтты.

«Хадем чемпионатқа Иран федерациясы арқылы емес, өз бетінше, өз қаражатына кетті. Бірақ біз бұл шахматшыдан мұндай әрекет күтпедік, себебі ол бұған дейін турнирлерге барлық стандарттарға сай қатысып жүрді», – деді ол.

Сарасадат Хадемалшарие Алматыда чемпионатта орамалын шешкен жалғыз шахматшы емес. Басқа ирандық шахматшы Атуса Пуркашьян да солай істеген болатын. Алайда Хадем мен Пуркашьян өз әрекеттерінің себебін айтпады. Көпшілік олар Ирандағы наразылықтарға қолдау ретінде хиджабтарын шешті деп тұжырымдады.

Иранда шамамен үш ай бұрын «хиджабты дұрыс кимегені үшін полицейлерден соққы жеп» қайтыс болған Махса Аминидің өліміне байланысты жаппай наразылық басталған болатын.

 


 

Жылдам ақпарат алу үшін Facebook, Instagram желілері мен Telegram каналымызға жазылыңыз!

Тағы да оқыңыз: