№12 кітапхана 23 сәуір – Ұлттық кітап күні аясында орталық алаңда «Кітапхана еріктілер алаңы» атты «Кітап құрттары» клубымен кездесу өткізді.
Ашық аспан астында өткен шарада кітапсүйер қауым бас қосып, сүйікті шығармалары туралы ой бөлісіп, әдебиет әлемінің сырлы тұстарын бірге талқылады. Қатысушылар өзара пікір алмасып қана қоймай, кітап оқудың маңызы мен оның адам өміріндегі орны жайлы терең әңгіме өрбітті.Кездесу барысында түрлі танымдық ойындар ұйымдастырылып, қызықты сұрақ-жауаптар қойылды. Белсенді қатысушыларға шағын сыйлықтар табысталып, шара ерекше әсерге бөледі.
«Кітапхана еріктілер алаңы» – кітап пен оқырман арасын жақындатқан, рухани байланысты нығайтқан тағылымы мол кездесу болды.
Жылдам ақпарат алу үшін Facebook, Instagram желілері мен Telegram каналымызға жазылыңыз!