Ұлттық статистика бюросы «AI Stat» виртуалды көмекшісін іске қосты, – деп хабарлайды KAZINFORM
Ведомствоның баспасөз қызметі мәлім еткендей, жасанды интеллектке негізделген сервис статистикамен жұмысты жеңілдетіп, деректерді табуға, есептілікті түсінуге және бюро қызметтерін байланыс орталығына жүгінбей пайдалануға көмектеседі.
Көмекші диалог форматында жұмыс істейді, есептілік бойынша кеңес береді, нысандарды толтыруға көмектеседі және қателер қаупін азайтады.
Сондай-ақ ол ақпаратты іздеуді және сервистер бойынша навигацияны, соның ішінде Респондент кабинетінде жұмыс істеуді жеңілдетеді.
— Сонымен қатар, «AI Stat» БСН немесе ЖСН бойынша міндетті статистикалық нысандардың («Жүгіртпе») тізімін қалыптастырады, қызмет түрін таңдауда ЭҚЖЖ кодтарын іріктейді және қажет болған жағдайда байланыс орталығына сұрау жібереді. Бұл жұмысты жеделдетіп, күнделікті процестерді автоматтандырады, — дейді мамандар.
Жылдам ақпарат алу үшін Facebook, Instagram желілері мен Telegram каналымызға жазылыңыз!