Дүйсенбі, 25 қаңтар, 05:06

  • Қаз
  • Qaz

Бізге жаңалық
жіберіңіз:

+7(702)932-52-25
Жаңа шығарылым
№6 (1708)
23.01.2021
PDF мұрағаты

Ақ тілек

31.12.2020

122 0

Жаңа жыл баршамызға ұнайды анық,

Сағындырып келіп тұр жыл айналып.

Ақтарылып тілектер жүректерден,

Жүздер бал-бұл жанады шырайланып.

Бөленгендей көңілім көріктеніп,

Босағадан бақыт боп еніп келіп.

Сыйыңды арттыра бер Сиыр жылы,

Елімнің керегесі кеңіп толып.

Жырымның сөлін сығып берем ләззат,

Көңілді тербетеді өлең ғажап.

Тышқан жылын өткердік тышқаншылап,

«Өткен жылға өкпе жоқ» деген қазақ.

Болашақ болсын енді тартымдырақ,

Қазағым тойда өткізіп әр күнді шат.

Келешекке көз қадап көкжиектен,

Өткенге есеп берем қортындылап.

Әр адамға тілеймін қайраттылық,

Толқыған өр көңілді жайнатты үміт.

Қардай аппақ көңілдер кірлемесін,

Қуанышта болайық ойнап, күліп.

Мына ғасыр той болып мәрт Алашым,

Ынтымақ, береке енсін ортаңа шын.

Ұлы дала елінің ұландары,

Ұланасыр тойларың тарқамасын.

Тұрар Бекмырзаев

Пікірлер жоқ. Бірінші болыңыз!

Пікір жазыңыз

Тағы да оқыңыз: