Әнші Досымжан Таңатаров Жастар театры директорының орынбасары қызметіне тағайындалды. Бұл туралы театрдың баспасөз қызметі хабарлады.
«Жастар театрының шығармашылық құрам бойынша директордың орынбасары қызметіне Досымжан Қарпықұлы Таңатаров тағайындалды» деп жазылған театрдың instagram парақшасында.
Әнші instagram әлеуметтік желідегі парақшасында жаңа қызметке тағайындалғаны туралы жазба жариялады.
– Биссмиллах деп жұмысты бастап кеттік. Жылы сөздеріңізге, сын пікірлеріңізге, сенім білдіріп, қолдау көрсеткендеріңізге үлкен рахмет! – деп жазды ол.