Қазақстандық палуан Нұрсұлтан Тұрсыновпен белдесуден қытайлық Фэн Пей бас тартқан соң отандасымыз алтын жүлдені иеленді. Бұл туралы Ұлттық олимпиада комитетінің баспасөз бөлімі хабарлады.
«Греко-рим күресі бойынша Алматыда өтіп жатқан бәсекеде Нұрсұлтан Тұрсынов алтын медальді белдесусіз-ақ жеңіп алды. 87 келіге дейінгі салмақ дәрежесінде сынға түскен палуандардың финалдық тартысында Қытай спортшысы Фей Пэн жарыстан шығатынын хабарлады», – делінген хабарламада.
Аталған салмақ дәрежесінде қола медальді Джинхеок Ким (Оңт. Корея) және Масато Суми (Жапония) қанжығаға байлады.
«Бұған дейін Тұрсынов командаға Олимпиадаға жолдама әкелген еді», – деп хабарлайды ҰОК баспасөз бөлімі.
Жылдам ақпарат алу үшін Facebook, Instagram желілері мен Telegram каналымызға жазылыңыз!