Жуырда Қазалы ауданы, Сарыкөл ауылдық округінің «Бекұлы» қорымында бабалар рухына құран оқылып, тілеухана салынды. Бұл қорымда Қазалы өңіріне белгілі Мәмбет болыстың зираты бар.
Мәмбет болыс өз дәуірінде үлкен меценат болған адам. Жетім, жесірлерге қамқорлық жасап, Қазалы вокзалының салыну құрылысына қаржылай көмек көрсеткен. Көнекөз қариялардың айтуынша, Мәмбет ата байлығының өлшемі киіз үйдің әрбір кереге көзіне күмістен құйылған тиындар арқылы бағаланған.
Халқымызда «Өлі разы болмай» тірі байымайды» деген қанатты сөз бар. Ел ағаларының ұйымдастыруымен ата-бабалар рухына бағышталған аста ақсақалдар жағы жастарға өз білгендерін өнеге етіп, бата беріп тарқасты.
Қазына ӨЗДЕНБАЕВА,
ҚР Журналистер Одағының мүшесі
Жылдам ақпарат алу үшін Facebook, Instagram желілері мен Telegram каналымызға жазылыңыз!