Жұма, 23 ақпан, 05:30

  • Қаз
  • Qaz

Бізге жаңалық
жіберіңіз:

+7(702)932-52-25
Жаңа шығарылым
№15 (2025)
20.02.2024
PDF мұрағаты

Қызылордада 37 жазасын өтеуші диплом алды

04.07.2022

580 0

Қызылорда облысы бойынша ҚАЖ департаментінің  ЗК-169/5 мекемесінде кәсіптік-техникалық колледжін бітірушілерге диплом табысталып, 37 жазасын өтеуші С.Ықсанов атындағы Қызылорда құрылыс және бизнес колледжінің дипломын алды. Диплом алған 37 сотталғанның  18-і  «Ағаш ұстасы және паркет жұмыстарының шебері», 19 сотталғанға «Құрылыс әрлеу жұмыстарының шебері» біліктіліктері берілді.

Салтанатты шараға С.Ықсанов атындағы Қызылорда құрылыс және бизнес колледжінің мұғалімдері қатысып,  алған дипломдарын игі кәдеге жаратуларына тілектерін білдіріп, білімділігімен көзге түскен бірнеше сотталғанды марапаттады. Және де  сотталғандарға білім беруге жан-жақты көмек көрсеткені үшін мекеме басшылығына алғысын білдірді.

«Ағаш ұстасы және паркет жұмыстарының шебері» мамандығы бойынша білім алған Алмат ҚР ҚК-нің 188-бабының 3- бөлігінің 3- тармағымен кінәлі  деп танылып 6 жылға сотталған.  «Өзімнің жасаған іс-әрекетіме өкінемін. Ата-анамды тындамай бұзақы боп өстім. «Білім алудың ерте –кеші жоқ екендігін түсініп,  білім алуға өтініш беріп, міне бүгін  47 жасымда диплом алдым. Босап шыққан соң қоғамға өз пайдамды тигізетін боламын »,- деді жазасын өтеуші.  

Мекеме бастығының орынбасары  Б.Наурызбаевтың айтуынша  түзеу мекемесіне жазасын өтеуге жіберілген әрбір сотталғанның  жаза мерзімі аяқталғанша олармен тәрбиелік жұмыстар жүргізілуімен қатар, кәсіптік  білім алуына да мүмкіндік беріледі. Мекемеде кәсіптік-техникалық колледждің филиалы  ашылғанына 8 жыл ішінде 300-ден астам сотталған әр түрлі мамандық иесі атанған.

 


 

Жылдам ақпарат алу үшін Facebook, Instagram желілері мен Telegram каналымызға жазылыңыз!

Тағы да оқыңыз: