Сурет: baik-info.ru
Өткен жылдың қараша айында түнгі уақытта мекемеден телевизор, төрт компьютерін ұрланғаны туралы арыз түскен болатын. Қызылорда қалалық полиция басқармасы қызметкерлерімен жүргізілген жедел іздестіру іс-шараларының нәтижесінде екі күдікті, 33 және 29 жастағы қала тұрғындары анықталып, ұсталды.
Тергеу барысында күдіктілердің жасаған заңсыз іс-әрекеті толығымен өз дәлелін тауып, Қазақстан Республикасы Қылмыстық кодексінің 188-бабы 3-бөлігінің 3-тармағымен (ұрлық) сараланып, қылмыстық іс сотқа жолданды.
2023 жылы 5 қаңтарда сотталушылар сот үкімімен кінәлі деп танылып, оларға қатысты 3 жыл 6 ай мерзімге бас бостандығынан шектеу жазасы тағайындалды. Сот үкімі заңды күшіне енді.
Қызылорда облысы Полиция департаментінің баспасөз қызметі
Жылдам ақпарат алу үшін Facebook, Instagram желілері мен Telegram каналымызға жазылыңыз!