Сейсенбі, 27 ақпан, 15:32

  • Қаз
  • Qaz

Бізге жаңалық
жіберіңіз:

+7(702)932-52-25
Жаңа шығарылым
№17 (2027)
27.02.2024
PDF мұрағаты

Қазақстанда алғаш рет дәстүрлі садақ атудан республикалық чемпионат өтті

17.10.2022

856 0

16 қазанда Жаңаөзен қаласында Әмин Тұяқов атындағы стадионда дәстүрлі садақ атудан әртүрлі жас санатында алғаш рет I Республикалық чемпионат өтті, деп хабарлайды ҚазАқпарат Маңғыстау облысы әкімінің баспасөз қызметіне сілтеме жасап.

Айта кетейік, мұндай чемпионат елде алғаш рет өткізіліп отыр. Дәстүрлі садақ ату сайысына еліміздің әр өңірінен 200-ден астам садақшы қатысты.

Чемпионатқа Маңғыстау облысының әкімі Нұрлан Ноғаев, Қазақстан Республикасы Ұлттық спорт түрлері қауымдастығының басшысы Исламбек Салжанов, сондай-ақ қала тұрғындары мен қонақтары қатысты.

– Маңғыстау ежелден салт-дәстүрді берік ұстанған, сыр мен ғажайыптарға толы киелі өлке саналады. Соның бір дәлелі – тәуелсіз елде алғаш рет ұйымдастырылып отырған «Ұлы дала жорығы» марафонының жеңімпаздарының ерлігі. Мемлекет басшысының еліміздің әрбір азаматы рухани, білімді, бәсекеге қабілетті болуы керек деген тапсырмасы аясында спорт кешендері салынып, жөндеуді қажет ететіндері күрделі жөндеуден өтіп жатыр. Әсіресе, соңғы жылдары ұлттық спорт түрлеріне ерекше көңіл бөлініп келе жатқанын ерекше атап өткім келеді. Бұл үрдіс одан әрі жалғасады. Ата-бабадан қалған қаруды спорттық мақсатта пайдаланып, осы спорт түрімен айналысқандарыңыз үшін сіздерге алғыс айтамын. Барлық қатысушыларға сәттілік пен жеңіс жолында табандылық тілеймін, – деді аймақ басшысы Нұрлан Ноғаев.

Облыста дәстүрлі садақ ату спортымен 400-ге жуық спортшы айналысады.

Оның ішінде 10-15 спортшы – республикалық және халықаралық жарыстарда облыс намысын лайықты қорғап жүргендер.

– Дәстүрлі садақ ату Қазақстанда 90-жылдары басталды. Соңғы 4-5 жылда бұл спорт түрі ұлттық дәрежеге көтерілді. Бүгінгі чемпионат Маңғыстау облысында алғаш рет өтуде. Қазір бұл спортқа мемлекет тарапынан үлкен көңіл бөлінуде. Бұл спорт түрімен 7 жасар бала да, 70 жастағы қария да айналыса алады. Бұл спорт әлі де өзінің лайықты орнын алады деп ойлаймын. Бүгінгі жарысқа еліміздің көптеген облыстарынан кіл мықтылар келді. Біз бұл спортты әлемдік деңгейге шығаруға дайынбыз, ол үшін жан-жақты қолдау білдіреміз де. Жақында Түркияда өткен көшпенділер ойынында еліміздің садақшылары екінші орын алды. Бес елдің ішінде Қазақстан екінші орын алып, 3 алтын, 2 күміс, 3 қола медальмен оралды, – дейді ҚР Ұлттық спорт түрлері қауымдастығының басшысы Исламбек Салжанов.

Жарыс қорытындысы бойынша командалық есепте 1-орынды Шымкент қаласының мергендері жеңіп алса, 2-орынды Абай облысының мергендері еншіледі.

Ал, 3-орын Жетісу облысының мергендеріне бұйырды.

Сондай-ақ, әр нысана бойынша жас шамасына қарай үздік мергендер анықталып, оларға да ақшалай сыйақы табысталды.

Ашық аспан астында өткен спорт шарасын 2500-ге жуық көрермен тамашалады.

 


 

Жылдам ақпарат алу үшін Facebook, Instagram желілері мен Telegram каналымызға жазылыңыз!

Тағы да оқыңыз: