Сейсенбі, 28 мамыр, 09:13

  • Қаз
  • Qaz

Бізге жаңалық
жіберіңіз:

+7(702)932-52-25
Жаңа шығарылым
№41 – 2051
25.05.2024
PDF мұрағаты

Алғашқы әскери дайындық пәнінің мұғалімдері батырды ұлықтады

28.11.2022

1028 0

Биыл аты аңызға айналған ұшқыш, Кеңес Одағының екі мәрте батыры, Қазақстан авиациясының генерал-майоры Талғат Бигелдиновтың туғанына 100 жыл толды. Осы мерейлі күнге орай алғашқы әскери және технологиялық дайындық пәні мұғалімдері арасында әскери қолданбалы спорт түрінен қалалық сайыс ұйымдастырылды.

Алғашқы әсери дайындық мұғалімдері облыстық сайыстың қалалық кезеңінде «Калашников автоматы» қаруын толық емес бөлшектеу және жинақтау, «АК-74» оқу қаруының оқжатарын патрондарымен жарақтау, «ИЖ-38» пневматикалық винтовкасынан жылдамдыққа ату, команда жетекшілері сайысы, пневматикалық винтовкадан нысанаға ату, белтемірге тартылу, арқан тарту, командалық кросс түрлері бойынша сыңға түсті. Тартысты әрі қызыққа толы өткен додада мұғалімдер мықты екенін дәлелдей түсіп, үздік шыққандар облыстық кезеңге жолдама алды.

Айта кетерлігі, аты аңызға айналған ұшқыш жаудың бекіністерін, аэродромдарын, теміржол тораптарын, өзен өткелдерін, жаудың әскерлері мен техникаларын барлау және жою үшін 305 рет жауынгерлік шабуыл жасаған. Талғат Жақыпбекұлы Бигелдинов екі мәрте Кеңес Одағының батыры жоғары атағына ие болған 65 әскери ұшқыштың бірі. Талғат Бигелдиновтың ерліктері қазақстандықтардың көптеген ұрпақтарын өз өмірлерін әскери және азаматтық авиациямен байланыстыруға ынталандыратыны сөзсіз.

А.НҰРАЗҒАЛИ

 


 

Жылдам ақпарат алу үшін Facebook, Instagram желілері мен Telegram каналымызға жазылыңыз!

Тағы да оқыңыз: