Бейсенбі, 01 маусым, 11:29

  • Қаз
  • Qaz

Бізге жаңалық
жіберіңіз:

+7(702)932-52-25
Жаңа шығарылым
№43 (1950)
30.05.2023
PDF мұрағаты

Арбаға таңылған азамат чип салынғаннан кейін жүріп кетті

25.05.2023

190 0

Швейцариялық нейрохирургтар мен невропатологтар ерекше қажеттілігі бар адамның басы мен жұлынына чип салып, аяғын басқара алатын деңгейге жеткізді. Бұл жөнінде Stan.kz ақпарат агенттігі 

40 жастағы ер адам миды жұлын аймағымен сымсыз байланыстыратын «сандық чиптің» арқасында қайтадан жүре алады. Енді мамандар технологияны қол функциясын қалпына келтіруге қолданғысы келеді.

Чип екі электронды импланттан тұрады, біреуі мида, екіншісі жұлында орналасқан. Біріншісі аяқтың қозғалысына жауапты ми аймағының үстіне орналастырылған. Ол адам жүргісі келгенде пайда болатын электрлік сигналдарды декодтай алады. Екінші имплант аяқты басқаратын жұлынның үстіне қойылған.

Ғалымдар революциялық технология ми мен жұлын аймағы арасындағы бұзылған байланысты қалпына келтіру арқылы «Ойды әрекетке айналдырады» деп мәлімдеді.

Чип салынған алғашқы адам – 40 жастағы голландиялық инженер Герт-Ян Оскам. Ол 2011 жылы Қытайда жұмыс істеген кезде велосипедтен құлап, жұлынын жарақаттап алған. Содан кейін ол сал болып қалған.

«Менің ойымша, ең таңқаларлық нәрсе екі күннен кейін орын алды. Бес минут ішінде мен жамбасымды басқара алдым», – деді ол.

Ұзақ жаттығулардан кейін науқас жүре бастады, баспалдақпен көтеріліп, пандустардан өтті. 

Оны Швейцарияның Лозанна университетінің ауруханасы, Лозанна Университеті және Швейцарияның Лозанна федералды технологиялық институтының невропатологтары мен нейрохирургтары емдеді.

Импланттардың өзін Францияның Атом энергиясы жөніндегі комиссиясы жасады.

Комиссияның жоба жетекшісі Гийом Шарве имплантанттар мидың нақты уақыттағы қозғалыс ниеттерін декодтау үшін «адаптивті жасанды интеллектті» қолданатынын айтты.

Бір қызығы, пациент сенсорлық қабылдау мен моториканың жақсарғанын байқады, олар чипті алып тастағаннан кейін де сақталды, бұл оған балдақпен жүруге мүмкіндік берді.

Профессор Грегуар Куртиннің айтуынша, бұл цифрлық чип пациенттің жұлынын қалпына келтіріп қана қоймай, жаңа жүйке байланыстарының жақсаруына ықпал еткен.

Тағы да оқыңыз: