Коронавирустың екінші толқыны әлем елдерін бейжай қалдырмауда. Жақында «СNN» арнасының тілшісі Люк МакГи екінші толқынның болжамды әсері мен Еуропа елдерінің індеттен зардап шегуі төңірегінде көлемді аналитикалық материал жариялада.
Жетекші ғалымдар мен зерттеу орталықтарының мамандары өзекті тақырыпта жан-жақты пікір білдіріп, вирустың өрбу салдарын саралаған.
Автор алдымен Еуропадағы індеттің ахуалына тоқталып, эпидемиялық жағдай шиеленіскен үш мемлекеттің тізімін келтіреді:
«Індет асқынған үш мемлекет бар. Олар: Чехия, Испания, Нидерландия мемлекеттері. Алайда бірінші толқынды еңсерген мемлекеттер қалайша мұндай жағдайға тап болды. Рединг университетінің микробиология саласының доценті Саймон Кларк «Сақтық шарасы вирусты ауыздықтағанымен, толық жоюға қауқарсыз. Шындығында, өткен кезеңдегі жетістіктерге масаттану халықтың індетті жұқтыру ықтималдығын арттыруда» деген ойымен бөлісті. Ал Патша медициналық бірлестігінің эпидемиология және қоғамдық денсаулық сақтау бөлімінің президенті Габриэль Скалли болса, алғашында табысқа жеткен Еуропа елдері өзге мемлекеттерге қарағанда қарым-қатынас пен шектеулерге мән бермеуде деген пікірде».
Жылдам ақпарат алу үшін Facebook, Instagram желілері мен Telegram каналымызға жазылыңыз!