Былтыр жаңартылатын энергия көздерінің өндіру көлемі 8,7 млрд кВт/сағатты құрады. Бұл туралы Үкімет отырысында «KEGOC» АҚ Басқарма төрағасы Нәби Айтжанов мәлім етті, – деп хабарлайды KAZINFORM
-2021 жылдан бастап жаңартылатын энергия көздерінің белгіленген қуаты 1700 МВт-тан 3700 МВт-қа дейін артты. Жыл басында энергия жүйесінде жаңартылатын энергия көздерінің 170 электр станциясы жұмыс істеді. 2025 жылы елімізде жалпы өндірілген электр энергиясындағы жаңартылатын энергия көздерінің өндіру көлемі 8,7 млрд кВт/сағатты немесе 7 пайызды құрады. 2021 жылмен салыстырғанда жалпы электр энергиясын өндірудегі жаңартылатын энергия көздерінің үлесі есеге артты, – деді Н. Айтжанов.
Айта кетейік, еліміздегі 5 жылу электр орталығы «қызыл» аймақта тұрғаны мәлім болды.
Бұдан бұрын хабарланғандай, ел аумағында 2025 жылы электр энергиясын тұтыну 2024 жылмен салыстырғанда 4,6 млрд кВт/сағатқа немесе 3,8 пайызға артып, 124,6 млрд кВт/сағатты құрады.
Жылдам ақпарат алу үшін Facebook, Instagram желілері мен Telegram каналымызға жазылыңыз!