Жылу беру маусымында әлеуметтік нысандар мен тұрғын үйлерде апаттық жағдайлар мен ақауларды болдырмау аса маңызды. Қыс мезгілінде қысылтаяң жағдай болмау үшін тыңғылықты дайындық қажет. Сондықтан да өңірде жылу және инфрақұрылым жаңғырту жұмыстары жүйелі жүргізілуде.
Құны 215 млрд теңгені құрайтын жобаны түркиялық «Aksa Energy» компаниясы жүзеге асырған. Жаңа орталықтың қуаттылығы 240 мегаватт электр және 277 гигакалория жылу энергиясын өндіреді. Жоба аясында қуатылығы 176 МВт 2 газ турбиналық қондырғы, 95 МВт бу турбинасы, қуаттылығы 120 тн/сағ 2 бу қазандығы мен 150 Гкал/сағ 4 жылу қазандығы орнатылған. Бүгінде жаңа орталық толық іске қосылып, электр энергиясын өндіруде. Алдағы жылу маусымынан бастап қала тұрғындары жаңа орталықтан жылу алады.
Бүгінгі күнге дейін қаланың басым бөлігін жылумен қамтамасыз етіп келген «Қызылордажылу-электр орталығының» жұмысымен танысты. Қазіргі таңда кәсіпорындағы жылу энергия көздерінің 85 пайызы, жылу желілерінің 40 пайызы тозған. Станция 67 мегаватт электр, 355 гигакалория жылу энергиясын өндіреді. Жалпы алдағы жылу беру маусымына дайындыққа 5,5 млрд теңге қаржы бөлу жоспарланған. Бұл қаражат есебінен 8,7 шақырым жылу желісін жаңғырту жобасы аяқталып, №1 және №2 газ турбиналық қондырғыларға күрделі жөндеу жүргізіледі. Сонымен қатар 1,3 шақырым жылу желісі, 1 қазандық, 1 турбина, 10 автономды қазандық, негізгі және қосалқы жабдықтар жөнделеді.
«Қызылорда электр тарату тораптары» мекемесінде қысқа дайындық жұмысы жүруде. Мекемеге қарасты 10608 шақырым электр желісі, 2058 қосалқы станция бар, ал трансформаторлардың жалпы қуаты 1350 мегаватт.
«Ақмешіт-ақпарат»
Жылдам ақпарат алу үшін Facebook, Instagram желілері мен Telegram каналымызға жазылыңыз!