Жылу беру маусымы кезінде тұрғын үй секторларында туындауы мүмкін төтенше жағдайлардың алдын алу мақсатында Қарауылтөбе ауылдық округінде профилактикалық түсіндірме жұмыстары жүргізілді.
Аралау барысында қала әкімдігі мен қалалық төтенше жағдайлар басқармасының қызметкерлері әлеуметтік тұрмысы төмен қатты отынмен жылытылатын үй тұрғындарына өрт қауіпсіздігі ережелерін түсіндірді.
Айта кету керек, өрттің басым бөлігі тұрғындардың өрт қауіпсіздігі ережелерін сақтамауынан, яғни ашық отты пайдалану, ақауы бар электр бұйымдарын қолдану және балаларды қараусыз қалдыру салдарынан орын алуда. Сондықтан тұрғын үйлеріңізде қарапайым қауіпсіздік ережелерін сақтауды сұраймыз!
Жылдам ақпарат алу үшін Facebook, Instagram желілері мен Telegram каналымызға жазылыңыз!