Республика күнінде Сыр өңірінде 1 тәулікте облыс бойынша 55 сәби дүниеге келді. Олардың 38-і ұл, 17-сі қыз бала.
Облыс әкімінің орынбасары Нұрымбет Сақтағанов пен облыстық денсаулық сақтау басқармасының басшысы Сәбит Пазылов облыстық перинаталдық орталығында ұлттық мерекеде босанған жас аналарды құттықтады.
– Біз үшін ең бастысы – нәресте мен ана денсаулығының мықты болуы. Мереке күні дүниеге келген барлық сәбидің аман-сау болуымен қатар айтулы ел азаматы болып өсуіне тілектеспін. Қазақтың саны көп болсын! – деген ізгі тілегін жеткізді облыс әкімінің орынбасары Нұрымбет Сақтағанов.
Сондай-ақ әрбір анаға жаңа туған сәби күтіміне арналған қобдиша сыйлады.
Жас аналар оларға ризашылықтарын білдіріп, алғыстарын жеткізді. Қазіргі таңда сәбилер мен аналардың денсаулықтары жақсы.
Айта кетейік, мереке күні босанған жас аналарды құттықтау шарасы аудандарда да жалғасты.
Жылдам ақпарат алу үшін Facebook, Instagram желілері мен Telegram каналымызға жазылыңыз!