Елде, соның ішінде біздің өңірімізде де кейінгі екі-үш күнде орын алған келеңсіз оқиғалар қарапайым тұрғындардың тыныштығын бұзып, қауіпсіздігіне де кері әсерін тигізіп отыр. Лаңкестер облыс орталығындағы бірқатар әлеуметтік нысандарды қиратып, күштік құрылым қызметкерлерімен қақтығысты, көшелерде оқ атылды. Салдарынан қаншама адам жараланып, тіпті көз жұмғандары бар.
7 қаңтар түскі сағат 12.00-де облыстық денсаулық сақтау басқармасының басшысы Сәбит Пазыловтың берген мәліметі бойынша, 5 қаңтарда 168 адам облыстық және қалалық ауруханаға жүгініп, 70-і жатқызылса, 6 қаңтар күні 14 адам қаралған. Ауруханада жатқаны – 56. 25 адам жансақтау бөлімінде, қайтыс болғандар саны 20-ға жеткен.
Басқарма басшысының айтуынша жедел жәрдем станциясы, ауруханалар штаттық режимде жұмыс істеуде.
Жылдам ақпарат алу үшін Facebook, Instagram желілері мен Telegram каналымызға жазылыңыз!