Көптің арманы – байлық,
Бүгінгінің бір сөзі – айлық.
***
Бұрынғылар он үшінде баспын дейтін,
Бүгінгілер отызында жаспын дейді.
***
Жолы болмағандар заманды кінәлайды,
Әлеуметтік желіде көпті табалайды.
***
Қазақ тілін білмегендер министр боп жатса,
Жұртқа оны үйрен деп қалай айтасың?..
***
Біреу айлығым көбейсе дейді,
Біреу қызметім өссе дейді.
***
Халықтың арманы – несиенің жабылғаны,
Жабатын жанның табылғаны.
***
Бұл сөзді ұғына бермес «бай елдер»,
Зейнет жасы түссе дейді әйелдер.
***
Танысына көңілі толмаған,
Табысына сенім артады.
***
Бұрын ержеткеннің түсіне бойжеткен кіретін,
Қазір кейбір ержеткеннің түсіне ержеткен кіреді.
***
Басың алтын болса да,
Тіреуі жоқ ары тұр.
Басың қауақ болса да,
Тіреуің мықты бері тұр.
***
Ұлым – ұлтымның ұстыны,
Қызым – келешек кепілі.
***
Бай ақшасын банкке тықпайды,
Үйінде «банкте» ұстайды.
***
Қызметте өскің келсе,
Крышаң болсын,
Жұртты бақылағың келсе,
Крысаң болсын.
Жылдам ақпарат алу үшін Facebook, Instagram желілері мен Telegram каналымызға жазылыңыз!