Президент Ржев округі Трубино деревнясындағы майдандас жауынгерлер жерленген бауырластар зиратына гүл шоғын қойды, деп хабарлайды BAQ.KZ Ақордаға сілтеме жасап.
Мемлекет басшысы Ржев түбіндегі сұрапыл шайқас кезінде қаза тапқан және із-түзсіз жоғалған боздақтардың рухына тағзым етті.
Бауырластар зиратында қолында автоматы бар жауынгердің мүсіні орнатылған.
Ескерткіштің жанындағы таста «1941-1945 жылдары неміс-фашист басқыншыларынан Ржевті азат ету үшін болған шайқаста қаза тапқан 881-ші атқыштар дивизиясы мен 331-ші зеңбіректі артиллериялық полктің майдандас жауынгерлеріне» деп жазылған.
![Президент Ұлы Отан соғысы жылдарында қаза тапқан жауынгерлердің рухына құран бағыштады](https://baq.kz/userfiles/images/5b2d06b8-56e4-46d6-8342-cd2552b4e1e3.jpeg)
Бұл жерде 2000-нан астам солдаттың мүрдесі жатыр. Жерленгендер тізімінде Қазақстан Президентінің әкесінің ағасы – Қасым Болтаев та бар.
![Президент Ұлы Отан соғысы жылдарында қаза тапқан жауынгерлердің рухына құран бағыштады](https://baq.kz/userfiles/images/9a5eb0b9-c349-4fe9-b9a8-bce7a029189a.jpeg)
Президент Қасым-Жомарт Тоқаев Ұлы Отан соғысы жылдарында қаза тапқан жауынгерлердің рухына құран бағыштады.
Жылдам ақпарат алу үшін Facebook, Instagram желілері мен Telegram каналымызға жазылыңыз!